ليله حزن
علمتني ليله الحزن مافرح بالغياب
لويغيب اللي بغيته عن عيوني يغيب
ياحبيبي .. مابعد غربه الحب اغتراب
من غلاك جروح فرقاك .. ماودي تطيب
تدري انه مابقالي بعدك الاالعذاب
الامل من غاب نورك غدا وجه كنيب
ماحسبت ليوم فرقاك ياعمري حساب
والله اني احسب الشوق عمره مايشيب
ماتصورت الحبايب ..يفرقهم عتاب
وماتصور ياحبيبي .. يجي بعدك حبيب
كل غلطه غير غلطه تجافينا .. صواب
وكل بعد غيرك بعدك عن عيوني .. قريب
ياصدوق الوعد .. صارت مواعيدك سراب
دربنا واحد وفرق خطاوينا النصيب
ما سالتك عن شعورك وانا اشوف الجواب
عاشقك بعد الجفا .. صار بعيونك غريب
القمر لو غاب .. ماغابت بروق السحاب
وانت في قلبي وعيني تغيب او ماتغيب
وسلامتكم
قيصر {Qysar} زماني
موضوع: شعر ليلة حزن . 
الأحد مارس 09, 2008 12:56 pm
